20 vjet Programi i Bursave - Fakte mbi Programin.

Mbi 1.000 vende bursash në më shumë se 250 kompani gjermane - këto janë numrat mbresëlënës të një historie të suksesshme 20 vjecare e cila nisi nga një ngjarje tragjike. Vetëm disa javë pas vdekjes së Zoran Djindjic, kryeministrit të parë serb, të zgjedhur në mënyrë demokratike, I cili në mars të vitit 2003  humbi jetën si pasojë e një sulmi politik, Komiteti Lindor i Ekonomisë Gjermane (OA) dhe Ministria Federale e Bashkëpunimit Ekonomik dhe Zhvillimit (BMZ) nisën programin e bursave të Ekonomisë Gjermane për vendet e Ballkanit Perëndimor. Qëllimi ishte të mundësohej një trajnim praktik në Gjermani për të rinjtë e talentuar serbë, që ata të ktheheshin më të kualifikuar në tregun e punës vendas në Serbi. Pas tre viteve të suksesshme, programi i bursave u zgjerua në Shqipëri, Bosnjë-Hercegovinë, Kosovë, Kroaci, Mal të Zi dhe Maqedoni Veriore në kuadër të dy rundeve të zgjerimit në vitet 2007 dhe 2009.

Programi i bursave të Biznesit Gjerman është një iniciativë e përbashkët e Ost-Ausschuss dhe e Ministrisë Federale për Bashkëpunim dhe Zhvillim Ekonomik, i realizuar për herë të parë në vitin 2003. Ky program përfshin këto vende: Kroaci, Serbi, Bosnjë-Hercegovinë, Shqipëri, Mali i Zi, Maqedoni dhe Kosovë. Që nga viti 2007 pjesë e këtij programi janë bërë edhe bursantët nga Shqipëria. Në kuadër të këtij programi çdo vit përzgjidhen në emër të kompanive gjermane deri në 75 bursistë shumë të kualifikuar nga rajoni. Grupet e synuara janë:

• studentët në semestrin e fundit të studimit
• të diplomuarit në eksperiencat e para të punës së tyre
• deri në moshën 29 vjeçare,
• me formim në fushën e biznesit dhe atë teknike inxhinierike.

Në kuadër të një praktike tre deri në gjashtë mujore në një kompani gjermane në Gjermani ata përfitojnë një eksperiencë praktike pune si dhe marrin njohuri jo vetëm mbi procedurat e ekonomisë së tregut por edhe mbi mënyrën e punës dhe menaxhimit në ndërmarrjet gjermane. Pas kthimit në vendet e tyre këta bursistë integrojnë eksperiencat e tyre me kulturën gjermane të punës në të përditshmen e tyre profesionale. Programi i bursave të Biznesit Gjerman jep një kontribut të rëndësishëm për edukim të mëtejshëm të këtyre njerëzve të rinj me mentalitet të hapur, që mendojnë përtej kufijve dhe që janë pjesë aktive në zhvillimin ekonomik të vendit të tyre. Deri tani mbi 950 bursistë nga i gjithë rajoni kanë kryer një praktikë të tillë pune në Gjermani.

Ju lutem vini re! Aplikimi për Praktikat 2024 bëhet i mundur online nga 01.10.2023 deri më 15.11.2023!

Si të aplikoni!

Praktikat do të nisin në sezonin e verës 2024!

Erla Kadiu është një prej bursisteve të Programit të Bursave të Biznesit për Ballkanin Perëndimor, e cila zhvilloi praktikën pranë Bankës për Zhvillim KfW në Gjermani,  në sektorin e zhvillimit  financiar për Evropën Juglindore. Në një bisedë me Erla Kadiu ajo tregon se si ka gjetur rrugën e saj në KfW, cfarë pëlqen në lidhje me Gjermaninë dhe çfarë detyrash ka patur.

Për të lexuar të plotë intervistën e Erla Kadiu, gjenerata e bursistëve 2016, mund të klikoni këtu.