DIHA pati kënaqësinë të mirëpriste në Tiranë një grup praktikantësh nga Gjykata Rajonale e Frankfurt am Main. Në kuadër të një udhëtimi studimor, ata vizituan Shqipërinë për të marrë një pasqyrë praktike mbi veprimtarinë e DIHA-s, si dhe mbi kuadrin ligjor dhe ekonomik të marrëdhënieve ekonomike shqiptaro-gjermane.

Në qendër të diskutimeve ishin veçanërisht aspektet ligjore të aktivitetit tonë, përfshirë çështje të së drejtës tregtare, ekonomike dhe të investimeve, si edhe bashkëpunimi ndërmjet kompanive gjermane dhe shqiptare. Gjithashtu, patëm mundësinë të prezantonim zhvillimin ekonomik të Shqipërisë dhe rolin e DIHA-s si urë lidhëse ndërmjet dy vendeve.

DIHA i falënderon për interesin, pyetjet interesante dhe shkëmbimin e vlefshëm të ideve dhe u urojmë suksese të mëtejshme në rrugëtimin e tyre profesional dhe akademik.